Travel Mama
呢個網站專門提供保證出發團，出發日期、價錢同尚餘名額一目了然，揀啱行程就可以直接預訂。
Travel Mama 於 2015 年成立，係一間專營外遊服務嘅香港持牌旅行社。我哋一直行佛系路線，唔會追住客人推銷，亦唔會單純靠低價吸引你落單。我哋更重視行程內容、服務質素，同埋產品資料係咪清楚完整。佛系唔代表隨便。你可以慢慢睇、慢慢比較，覺得適合先預訂。大家清楚自己買緊乜，旅程自然少啲意外，多啲開心。
Travel Mama Go 係 Travel Mama 旗下嘅旅遊預訂平台，專門集合有指定出發日期、清晰價錢及餘位資料嘅旅遊產品。每個行程都有既定路線及出發日期，你可以直接比較行程、價錢同尚餘名額，揀好之後網上完成預訂。唔使逐個行程問價，亦唔使等我哋回覆先知道有冇位。簡單講，揀啱行程同日期，就可以 Go。
唔同旅行方式，需要唔同嘅預訂方法。travelmama.com.hk 主要提供私人訂製、小包團及需要度身規劃嘅行程。每個客人嘅人數、路線、酒店同要求都唔同，所以需要先了解客人要求，再安排報價。Travel Mama Go 提供嘅產品就有既定路線、出發日期同價錢，適合想睇完資料、比較日期之後直接預訂嘅客人。所以我哋將兩類產品分開處理。想度身訂造，可以搵 Travel Mama；想揀日期直接出發，就嚟 Travel Mama Go。